هزار مصرى جدا

تحت تصنيف كتابات ساخره

عكس تلميذات

Don't tell me that

ليه التعلب تخين ؟

عشان التعلب fat fat

هات فرقين بين الليمون والزيتون

1- ممكن نشرب لاموناته، لكن مش ممكن نشرب زاتوناته

2- تقدر تقول الناس لاموني، لكن ما تقدرش تقول الناس زاتوني

هات 4 فروق بين البطة والوزة

1- ممكن تحلق شعرك زلبطة، لكن ما ينفعش تحلقه زلوزة

2- فيه رحالة اسمه ابن بطوطة، وما فيش رحالة اسم ابن وزووزة

3- ينفع تبلبط في الميه، لكن ما ينفعش توزوز فيها

4- في الشتا بنتغطى بالبطانية، وما بنتغطاش بالوزانية

هات 5 فروق بين الفيل والنملة

1- رجل الفيل ممكن تنمل، لكن رجل النملة مش ممكن تفيل

2- المطبخ فيه نملية وما فيهوش فيلية

3- ينفع تاكل سمك فيليه، لكن مش ممكن تاكل سمك نمليه

4- كل واحد له بروفيل، لكن ماحدش له برونمل

5- You can feel, but you can't namla

هات عكس زمان

The woman

ليه الكتكوت ما يعرفش يكدب على الفرخة ؟

لأنها هي اللي فقساه

إيه الحيوان الأخضر اللي بياكل الزلط ؟

يبقى ابن الحيوان الأخضر اللي بياكل الزلط